ru-e-zeba ke parastar nahin ho sakte

rū-e-zebā ke parastār nahīñ ho sakte

jo mohabbat meñ giraftār nahīñ ho sakte

tū jo chāhe to hameñ dār-o-rasan tak le chal

ham magar itne gunahgār nahīñ ho sakte

ḳhud-parastī ho rag-o-pai meñ sarāyat jin ke

qaum-o-millat ke vo me'mār nahīñ ho sakte

kuchh na kuchh un meñ bhī ḳhuddārī ke jazbe hoñge

mere dushman pas-e-dīvār nahīñ ho sakte

muskurāte hue har zulm tirā sah leñge

ham magar desh ke ġhaddār nahīñ ho sakte

ye alag baat tumheñ chaah rahe haiñ phir bhī

ham tirī shab ke ḳharīdār nahīñ ho sakte

ḳhud jo karte nahīñ aslāf kī 'izzat 'nāzir'

vo kabhī sāhib-e-kirdār nahīñ ho sakte

ru-e-zeba ke parastar nahin ho sakte

jo mohabbat mein giraftar nahin ho sakte

tu jo chahe to hamein dar-o-rasan tak le chal

hum magar itne gunahgar nahin ho sakte

KHud-parasti ho rag-o-pai mein sarayat jin ke

qaum-o-millat ke wo me'mar nahin ho sakte

kuchh na kuchh un mein bhi KHuddari ke jazbe honge

mere dushman pas-e-diwar nahin ho sakte

muskuraate hue har zulm tera sah lenge

hum magar desh ke ghaddar nahin ho sakte

ye alag baat tumhein chah rahe hain phir bhi

hum teri shab ke KHaridar nahin ho sakte

KHud jo karte nahin aslaf ki 'izzat 'nazir'

wo kabhi sahib-e-kirdar nahin ho sakte