ruh-e-zaman makan mile raaz-e-ayan nihan mile

rūh-e-zamāñ makāñ mile rāz-e-ayāñ nihāñ mile

kab se huuñ garm-e-justujū manzil-e-kun-fakāñ mile

nādira-e-zamāñ mile nābiġha-e-jahāñ mile

jis ko maiñ DhūñDhtā huuñ vo nāzish-e-mah-vashāñ mile

nāla-e-arġhavāñ mile sho.ala-e-arġhavāñ mile

sā.iqa-e-tapāñ mile jalva-e-be-amāñ mile

kākul-e-kahkashāñ khule āriz-e-lā-makāñ mile

dil-bar-e-hast-o-būd kā kaash kahīñ nishāñ mile

yuuñ to hameñ hazār-hā jalve jahāñ-tahāñ mile

jis kī magar talāsh hai dekhiye kab kahāñ mile

DhūñD rahe haiñ aaj tak jin ko vahī kahāñ mile

varna rah-e-hayāt meñ saiñkaḌoñ kārvāñ mile

shoa.la-fishāñ zamīn par saiñkaḌoñ āsmāñ mile

dil ko jahāñ sakūñ mile kaash vo āstāñ mile

merī nazar meñ kam nahīñ vo bhī kisī se ḳhush-nasīb

jis ko ġham-e-firāq kī daulat-e-be-karāñ mile

vaj.h-e-nashāt-e-shauq hai kitnā hasīñ vo ek ġham

yuuñ to yahāñ hazār-hā roz-e-ġham nihāñ mile

soch rahe haiñ aaj ham apnī bhī qadr kyā hai kam

vo hameñ gar na mil sake ham bhī unheñ kahāñ mile

un ke liye gul-o-bahār aur hameñ ḳhizāñ-o-ḳhār

un ko bhī gulsitāñ mile ham ko bhī gulsitāñ mile

soz-o-gudāz-o-dard-o-ġham hasrat-o-dil-shikastagī

ziist meñ kitne qīmtī ham ko ye armuġhāñ mile

qarya-ba-qarya shahr shahr TuuT rahā hai aaj qahr

chīḳh uThī hai rūh-e-dahr kaash kahīñ amaañ mile

sham-e-junūñ liye hue DhūñD rahā hai shahr shahr

ahd-e-ḳhirad meñ 'rāz' ko koī to rāzdāñ mile

ruh-e-zaman makan mile raaz-e-ayan nihan mile

kab se hun garm-e-justuju manzil-e-kun-fakan mile

nadira-e-zaman mile nabigha-e-jahan mile

jis ko main DhunDhta hun wo nazish-e-mah-washan mile

nala-e-arghawan mile shoala-e-arghawan mile

saiqa-e-tapan mile jalwa-e-be-aman mile

kakul-e-kahkashan khule aariz-e-la-makan mile

dil-bar-e-hast-o-bud ka kash kahin nishan mile

yun to hamein hazar-ha jalwe jahan-tahan mile

jis ki magar talash hai dekhiye kab kahan mile

DhunD rahe hain aaj tak jin ko wahi kahan mile

warna rah-e-hayat mein sainkaDon karwan mile

shoala-fishan zamin par sainkaDon aasman mile

dil ko jahan sakun mile kash wo aastan mile

meri nazar mein kam nahin wo bhi kisi se KHush-nasib

jis ko gham-e-firaq ki daulat-e-be-karan mile

wajh-e-nashat-e-shauq hai kitna hasin wo ek gham

yun to yahan hazar-ha roz-e-gham nihan mile

soch rahe hain aaj hum apni bhi qadr kya hai kam

wo hamein gar na mil sake hum bhi unhen kahan mile

un ke liye gul-o-bahaar aur hamein KHizan-o-KHar

un ko bhi gulsitan mile hum ko bhi gulsitan mile

soz-o-gudaz-o-dard-o-gham hasrat-o-dil-shikastagi

zist mein kitne qimti hum ko ye armughan mile

qarya-ba-qarya shahr shahr TuT raha hai aaj qahr

chiKH uThi hai ruh-e-dahr kash kahin aman mile

sham-e-junun liye hue DhunD raha hai shahr shahr

ahd-e-KHirad mein 'raaz' ko koi to raazdan mile