ruh ko to ek zara si raushni darkar hai
ruuh ko to ik zarā sī raushnī darkār hai
jism ko lekin bahut kuchh aur bhī darkār hai
aaj phir ham se kiyā daryāft koh-e-tūr ne
is se kyā kahte ki nūr-e-gumrahī darkār hai
ba.ad meñ ishq-e-haqīqī bhī mayassar ho to kyā
ye majāzī to hameñ fauran abhī darkār hai
ishq us ḳhvāhish pe merī soch meñ gum ho gayā
mujh ko paanī bhī hai darkār aag bhī darkār hai
farhat-ehsās apnī miTTī kā dhaḌaktā dil sambhāl
ba.ad marne ke jo tujh ko zindagī darkār hai
ruh ko to ek zara si raushni darkar hai
jism ko lekin bahut kuchh aur bhi darkar hai
aaj phir hum se kiya daryaft koh-e-tur ne
is se kya kahte ki nur-e-gumrahi darkar hai
baad mein ishq-e-haqiqi bhi mayassar ho to kya
ye majazi to hamein fauran abhi darkar hai
ishq us KHwahish pe meri soch mein gum ho gaya
mujh ko pani bhi hai darkar aag bhi darkar hai
farhat-ehsas apni miTTi ka dhaDakta dil sambhaal
baad marne ke jo tujh ko zindagi darkar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
