ruh meri jis KHane mein hai us KHane ka kya hoga

ruuh mirī jis ḳhāne meñ hai us ḳhāne kā kyā hogā

maiñ to shahr chalā jā.ūñgā vīrāne kā kyā hogā

tere sar ko duniyā vāloñ ke kāñdhe mil jā.eñge

mere baare meñ bhī soch mire shāne kā kyā hogā

duniyā likhne vaale ne bas duniyā likh ke chhoḌ diyā

ab duniyā vaale socheñ is afsāne kā kyā hogā

maut hameñ vāpas le jā.egī ye bas ḳhush-fahmī hai

ham duniyā meñ aa to ga.e haiñ ghar jaane kā kyā hogā

ek parinda aisā bhī hai jo ye sochā kartā hai

jaal ke andar chhūT gayā jo us daane kā kyā hogā

maiñ to Thiik huuñ lekin mere andar jo ye 'rizvī' hai

aksar sochā kartā huuñ is dīvāne kā kyā hogā

aur ziyāda ḳhud pe vahshat taarī mat kiije 'shahbāz'

duniyā jo tai kartī hai us paimāne kā kyā hogā

ruh meri jis KHane mein hai us KHane ka kya hoga

main to shahr chala jaunga virane ka kya hoga

tere sar ko duniya walon ke kandhe mil jaenge

mere bare mein bhi soch mere shane ka kya hoga

duniya likhne wale ne bas duniya likh ke chhoD diya

ab duniya wale sochen is afsane ka kya hoga

maut hamein wapas le jaegi ye bas KHush-fahmi hai

hum duniya mein aa to gae hain ghar jaane ka kya hoga

ek parinda aisa bhi hai jo ye socha karta hai

jal ke andar chhuT gaya jo us dane ka kya hoga

main to Thik hun lekin mere andar jo ye 'rizwi' hai

aksar socha karta hun is diwane ka kya hoga

aur ziyaada KHud pe wahshat tari mat kije 'shahbaz'

duniya jo tai karti hai us paimane ka kya hoga