ruTh sakti ho meri jaan laDai to nahin

ruuTh saktī ho mirī jaan laḌā.ī to nahīñ

maiñ ne kangan tirā māñgā hai kalā.ī to nahīñ

aañkh bhar aa.ī tirā dekh ke hañstā chehra

ye mohabbat kī mirī pahlī kamā.ī to nahīñ

qaid-ḳhāne meñ hai kyoñ aaj sadā-e-mātam

mere sayyād mirī aaj rihā.ī to nahīñ

tere har jurm pe sab Daal rahe haiñ parda

hākim-e-vaqt talak terī rasā.ī to nahīñ

merī ḳhushiyoñ kā mahal TuuT ke girtā kyoñ hai

ai mire yaar tirī aaj sagā.ī to nahīñ

rāt-bhar niiñd mujhe aaj nahīñ aa.ī hai

tum ne tasvīr mirī phir se chhupā.ī to nahīñ

itnī shahnā.iyāñ kyoñ guuñj rahī haiñ mujh meñ

dil kī dahlīz se phir koī vidā’ī to nahīñ

kyoñ havā ham ko samajhne lagī dushman ai dil

ham diye bechte phirte haiñ salā.ī to nahīñ

ruTh sakti ho meri jaan laDai to nahin

main ne kangan tera manga hai kalai to nahin

aankh bhar aai tera dekh ke hansta chehra

ye mohabbat ki meri pahli kamai to nahin

qaid-KHane mein hai kyon aaj sada-e-matam

mere sayyaad meri aaj rihai to nahin

tere har jurm pe sab Dal rahe hain parda

hakim-e-waqt talak teri rasai to nahin

meri KHushiyon ka mahal TuT ke girta kyon hai

ai mere yar teri aaj sagai to nahin

raat-bhar nind mujhe aaj nahin aai hai

tum ne taswir meri phir se chhupai to nahin

itni shahnaiyan kyon gunj rahi hain mujh mein

dil ki dahliz se phir koi wida’i to nahin

kyon hawa hum ko samajhne lagi dushman ai dil

hum diye bechte phirte hain salai to nahin