saaton mein sadiyon ke fasle nikalte hain

sā'atoñ meñ sadiyoñ ke fāsle nikalte haiñ

vo jo chāhe dariyā meñ rāste nikalte haiñ

jab kisī darīche meñ chāñd jagmagātā hai

jaane kitnī yādoñ ke silsile nikalte haiñ

zulm jab hadeñ apnī paar karne lagtā hai

bāñdh kar kafan sar par sar-phire nikalte haiñ

ġhaur jab bhī karte haiñ ham nizām-e-‘ālam par

jaane kitne pahlū tauhīd ke nikalte haiñ

yuuñ to kam-suḳhan hai vo baat jab bhī kartā hai

baat baat meñ us kī falsafe nikalte haiñ

ham ne bārhā un ko laḌkhaḌāte dekhā hai

jo bhī terī mahfil se bin piye nikalte haiñ

sa'aton mein sadiyon ke fasle nikalte hain

wo jo chahe dariya mein raste nikalte hain

jab kisi dariche mein chand jagmagata hai

jaane kitni yaadon ke silsile nikalte hain

zulm jab haden apni par karne lagta hai

bandh kar kafan sar par sar-phire nikalte hain

ghaur jab bhi karte hain hum nizam-e-‘alam par

jaane kitne pahlu tauhid ke nikalte hain

yun to kam-suKHan hai wo baat jab bhi karta hai

baat baat mein us ki falsafe nikalte hain

hum ne barha un ko laDkhaDate dekha hai

jo bhi teri mahfil se bin piye nikalte hain