saf zahir hai nigahon se ki hum marte hain
saaf zāhir hai nigāhoñ se ki ham marte haiñ
muñh se kahte hue ye baat magar Darte haiñ
ek tasvīr-e-mohabbat hai javānī goyā
jis meñ rañgoñ ke evaz ḳhūn-e-jigar bharte haiñ
ishrat-e-rafta ne jā kar na kiyā yaad hameñ
ishrat-e-rafta ko ham yaad kiyā karte haiñ
āsmāñ se kabhī dekhī na ga.ī apnī ḳhushī
ab ye hālat hai ki ham hañste hue Darte haiñ
sher kahte ho bahut ḳhuub tum 'aḳhtar' lekin
achchhe shā.ir ye sunā hai ki javāñ marte haiñ
saf zahir hai nigahon se ki hum marte hain
munh se kahte hue ye baat magar Darte hain
ek taswir-e-mohabbat hai jawani goya
jis mein rangon ke ewaz KHun-e-jigar bharte hain
ishrat-e-rafta ne ja kar na kiya yaad hamein
ishrat-e-rafta ko hum yaad kiya karte hain
aasman se kabhi dekhi na gai apni KHushi
ab ye haalat hai ki hum hanste hue Darte hain
sher kahte ho bahut KHub tum 'aKHtar' lekin
achchhe shair ye suna hai ki jawan marte hain
- Book : Nuquush Lahore (Pg. 218)
- Author : Mohd Tufail
- Publication : Idara Farog-e-urdu, Lahore (Feb.1956 )
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
