saghar-e-dil kaif-o-masti se labaalab bhar gaya

sāġhar-e-dil kaif-o-mastī se labālab bhar gayā

kis kā e.ajāz-e-nazar sarshār o be-ḳhud kar gayā

un ke dāman se huī kuchh is qadar vābastagī

ġhuncha-e-dil khil gayā phūloñ se dāman bhar gayā

ham ta.āqub bhī na kar paa.e kahāñ kī ham-rahī

gard hī aa.ī nazar jis raah se rahbar gayā

be-ḳhatā hone pe bhī ilzām apne sar rahe

kaun jaane jaur kā ilzām kis ke sar gayā

ḳhauf kuchh aisā baḌhāyā zulmat-e-ehsās ne

aur to aur aksar apne saa.e se dil Dar gayā

munhasir zauq-e-nazar par hai nazāroñ kī bisāt

jis taraf uTThī nigāheñ us taraf manzar gayā

us ke naqsh-o-aks kī parchhā.iyāñ dekhā kiye

toḌ kar rishte diloñ ke jo kinārā kar gayā

zo'm thā jis ko 'rishī' husn-e-adā-e-nāz par

aa.ina dekhā to apnī hī nazar se Dar gayā

saghar-e-dil kaif-o-masti se labaalab bhar gaya

kis ka eajaz-e-nazar sarshaar o be-KHud kar gaya

un ke daman se hui kuchh is qadar wabastagi

ghuncha-e-dil khil gaya phulon se daman bhar gaya

hum taaqub bhi na kar pae kahan ki ham-rahi

gard hi aai nazar jis rah se rahbar gaya

be-KHata hone pe bhi ilzam apne sar rahe

kaun jaane jaur ka ilzam kis ke sar gaya

KHauf kuchh aisa baDhaya zulmat-e-ehsas ne

aur to aur aksar apne sae se dil Dar gaya

munhasir zauq-e-nazar par hai nazaron ki bisat

jis taraf uTThi nigahen us taraf manzar gaya

us ke naqsh-o-aks ki parchhaiyan dekha kiye

toD kar rishte dilon ke jo kinara kar gaya

zo'm tha jis ko 'rishi' husn-e-ada-e-naz par

aaina dekha to apni hi nazar se Dar gaya