saghar ko tere nam kiya aur ro liye

sāġhar ko tere naam kiyā aur ro liye

ḳhud ko bhī nazr-e-jām kiyā aur ro liye

gul phir charāġh-e-shām kiyā aur ro liye

ham ne ye ehtimām kiyā aur ro liye

ham ne sahar ko shaam kiyā aur ro liye

ye din bhī tere naam kiyā aur ro liye

yuuñ bhī mile haiñ un se tasavvur meñ bārhā

ham ne unheñ salām kiyā aur ro liye

ashkoñ se likh diyā hai shab-e-ġham kā mājrā

ḳhat ham ne yuuñ tamām kiyā aur ro liye

apnī hañsī bhī ham ne uḌaa.ī hai kis qadar

terā bhī ehtirām kiyā aur ro liye

dastak kī aaj dil ko jasārat na ho sakī

dar se tire kalām kiyā aur ro liye

un ke ḳhutūt rakh ke sirhāne shab-e-firāq

qāsid ko phir salām kiyā aur ro liye

'nāsir' unhī ke hukm pe chhoḌā hai shahr ko

sahrā meñ phir qiyām kiyā aur ro liye

saghar ko tere nam kiya aur ro liye

KHud ko bhi nazr-e-jam kiya aur ro liye

gul phir charagh-e-sham kiya aur ro liye

hum ne ye ehtimam kiya aur ro liye

hum ne sahar ko sham kiya aur ro liye

ye din bhi tere nam kiya aur ro liye

yun bhi mile hain un se tasawwur mein barha

hum ne unhen salam kiya aur ro liye

ashkon se likh diya hai shab-e-gham ka majra

KHat hum ne yun tamam kiya aur ro liye

apni hansi bhi hum ne uDai hai kis qadar

tera bhi ehtiram kiya aur ro liye

dastak ki aaj dil ko jasarat na ho saki

dar se tere kalam kiya aur ro liye

un ke KHutut rakh ke sirhane shab-e-firaq

qasid ko phir salam kiya aur ro liye

'nasir' unhi ke hukm pe chhoDa hai shahr ko

sahra mein phir qiyam kiya aur ro liye