sahil pe koi Dub ke ubhra na dubara

sāhil pe koī Duub ke ubhrā na dubārā

dariyā se balā-ḳhez hai girdāb-e-kinārā

har shaḳhs ko ab chāhiye daulat kā sahārā

ham haiñ ki jo karte haiñ mohabbat pe guzārā

taḌpā ke tumhīñ ne mujhe bedār kiyā hai

Thukrā ke tumhīñ ne mujhe chāhat pe ubhārā

muhtāt nigāhoñ se har ik phuul ko dekhūñ

Dartā huuñ ki chubh jaa.e na āñkhoñ meñ nazārā

dastūr-e-zabāñ-bandī kā 'ālam bhī 'ajab hai

kahnī ho koī baat to karte haiñ ishārā

ghar koī salāmat hai na sar koī salāmat

ai dost yahī shahr-e-mohabbat hai tumhārā

ik roz to ye tum ko batānā hī paḌegā

kis jurm kī pādāsh meñ 'irfān' ko maarā

sahil pe koi Dub ke ubhra na dubara

dariya se bala-KHez hai girdab-e-kinara

har shaKHs ko ab chahiye daulat ka sahaara

hum hain ki jo karte hain mohabbat pe guzara

taDpa ke tumhin ne mujhe bedar kiya hai

Thukra ke tumhin ne mujhe chahat pe ubhaara

muhtat nigahon se har ek phul ko dekhun

Darta hun ki chubh jae na aankhon mein nazara

dastur-e-zaban-bandi ka 'alam bhi 'ajab hai

kahni ho koi baat to karte hain ishaara

ghar koi salamat hai na sar koi salamat

ai dost yahi shahr-e-mohabbat hai tumhaara

ek roz to ye tum ko batana hi paDega

kis jurm ki padash mein 'irfan' ko mara