sahil pe ruk ke su-e-samundar na dekhiye

sāhil pe ruk ke sū-e-samundar na dekhiye

bāhar se apne aap kā manzar na dekhiye

apne vajūd hī pe na guzrīñ ka.ī shokūk

saa.e ko apne qad ke barābar na dekhiye

jaage to mahz ret hī pā.eñge har taraf

gar ho sake to ḳhvāb meñ sāgar na dekhiye

apne hī sar ke zaḳhm kā kuchh kījiye ilaaj

aayā hai kis taraf se ye patthar na dekhiye

yakjā na karne aa.egā koī tamām umr

ḳhush-fahmiyoñ se ḳhud meñ bikhar kar na dekhiye

phir yuuñ na ho ki apnā badan ajnabī lage

behtar hai is ke ḳhol se bāhar na dekhiye

'āzād' jī Darā.egā parchhā.iyoñ kā ḳhauf

vīrāñ nazar se koī bhī manzar na dekhiye

sahil pe ruk ke su-e-samundar na dekhiye

bahar se apne aap ka manzar na dekhiye

apne wajud hi pe na guzrin kai shokuk

sae ko apne qad ke barabar na dekhiye

jage to mahz ret hi paenge har taraf

gar ho sake to KHwab mein sagar na dekhiye

apne hi sar ke zaKHm ka kuchh kijiye ilaj

aaya hai kis taraf se ye patthar na dekhiye

yakja na karne aaega koi tamam umr

KHush-fahmiyon se KHud mein bikhar kar na dekhiye

phir yun na ho ki apna badan ajnabi lage

behtar hai is ke KHol se bahar na dekhiye

'azad' ji Daraega parchhaiyon ka KHauf

viran nazar se koi bhi manzar na dekhiye