samne jo kaha nahin hota

sāmne jo kahā nahīñ hotā

tum se koī gila nahīñ hotā

jo ḳhafā hai ḳhafā nahīñ hotā

ham ne gar sach kahā nahīñ hotā

is meñ jo ektā nahīñ hotī

ghar ye hargiz bachā nahīñ hotā

jāntā kis tarah ki kyā hai ġhurūr

vo jo uThkar girā nahīñ hotā

naav kyuuñ us ke hāthoñ sauñpī thī

nāḳhudā to ḳhudā nahīñ hotā

tap nahīñ saktā dukh kī aañch meñ jo

ḳhuud se vo āshnā nahīñ hotā

prem ḳhud sā kare na jo sab se

phir vo 'darvesh' sā nahīñ hotā

samne jo kaha nahin hota

tum se koi gila nahin hota

jo KHafa hai KHafa nahin hota

hum ne gar sach kaha nahin hota

is mein jo ekta nahin hoti

ghar ye hargiz bacha nahin hota

jaanta kis tarah ki kya hai ghurur

wo jo uThkar gira nahin hota

naw kyun us ke hathon saunpi thi

naKHuda to KHuda nahin hota

tap nahin sakta dukh ki aanch mein jo

KHud se wo aashna nahin hota

prem KHud sa kare na jo sab se

phir wo 'darwesh' sa nahin hota