samne sab ke na bolenge hamara kya hai
sāmne sab ke na boleñge hamārā kyā hai
chhup ke tanhā.ī meñ ro leñge hamārā kyā hai
gulshan-e-ishq meñ har phuul tumhārā hī sahī
ham koī ḳhaar chubho leñge hamārā kyā hai
umr-bhar kaun rahe abr-e-karam kā muhtāj
dāġh-e-dil ashkoñ se dho leñge hamārā kyā hai
haath aayā na agar dast-e-hinā.ī terā
uñgliyāñ ḳhuuñ meñ Dubo leñge hamārā kyā hai
tum ne mahloñ ke alāva nahīñ dekhā kuchh bhī
ham to fōtpath pe so leñge hamārā kyā hai
apnī manzil to sarāboñ kā safar hai 'bāqī'
ham kisī raah pe ho leñge hamārā kyā hai
samne sab ke na bolenge hamara kya hai
chhup ke tanhai mein ro lenge hamara kya hai
gulshan-e-ishq mein har phul tumhaara hi sahi
hum koi KHar chubho lenge hamara kya hai
umr-bhar kaun rahe abr-e-karam ka muhtaj
dagh-e-dil ashkon se dho lenge hamara kya hai
hath aaya na agar dast-e-hinai tera
ungliyan KHun mein Dubo lenge hamara kya hai
tum ne mahlon ke alawa nahin dekha kuchh bhi
hum to footpath pe so lenge hamara kya hai
apni manzil to sarabon ka safar hai 'baqi'
hum kisi rah pe ho lenge hamara kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
