sans aae kabhi chali jae

saañs aa.e kabhī chalī jaa.e

haar jaa.eñ yā maat dī jaa.e

uubne lag gayā huuñ ab maulā

mere andar se ḳhāmushī jaa.e

kyā maraz hai mujhe pata ho kyā

ab to dil se ye be-kalī jaa.e

bas ye kahtā rahā faqat rogī

maut aa jaa.e zindagī jaa.e

kuchh marīzoñ se maiñ to behtar huuñ

haa.e kuchh kī to kyā kahī jaa.e

kaun zinda hai aspatāloñ meñ

maut bistar TaToltī jaa.e

ek hassās aadmī kī vyathā

ek aurat se kyā kahī jaa.e

ziist mujh ko aziiz hai 'sohil'

maut siine se kyoñ lagī jaa.e

sans aae kabhi chali jae

haar jaen ya mat di jae

ubne lag gaya hun ab maula

mere andar se KHamushi jae

kya maraz hai mujhe pata ho kya

ab to dil se ye be-kali jae

bas ye kahta raha faqat rogi

maut aa jae zindagi jae

kuchh marizon se main to behtar hun

hae kuchh ki to kya kahi jae

kaun zinda hai aspatalon mein

maut bistar TaTolti jae

ek hassas aadmi ki wyatha

ek aurat se kya kahi jae

zist mujh ko aziz hai 'sohil'

maut sine se kyon lagi jae