sans ki aas nigahban hai KHabar-dar raho

saañs kī aas nigahbāñ hai ḳhabar-dār raho

dil charāġh-e-tah-e-dāmāñ hai ḳhabar-dār raho

phir do aalam ke ujaḌne kī ghaḌī aa pahuñchī

aaj phir husn pashemāñ hai ḳhabar-dār raho

jāda-e-shahr-e-tasavvur ki rahā rishta-e-jāñ

sūrat-e-gard-e-pareshāñ hai ḳhabar-dār raho

phir kisī dil meñ qayāmat ne sukūñ DhūñDh liyā

aaj phir vā dar-e-zindāñ hai ḳhabar-dār raho

rañg-o-ḳhushbū ke tilismāt meñ khone vaalo

phuul meñ aag bhī pinhāñ hai ḳhabar-dār raho

is qadar mahv na ho jaao ġham-e-duniyā meñ

saaf aks-e-ġham-e-jānāñ hai ḳhabar-dār raho

dil lagāo na chaman se na chaman vāloñ se

āḳhir-e-kār bayābāñ hai ḳhabar-dār raho

do ghaḌī ke liye mumkin hai koī phuul khile

hāsil-e-dasht-e-muġhīlāñ hai ḳhabar-dār raho

'bū-alī' ābla-pā sar-ba-garebāñ hai yahāñ

maut is dard kā darmāñ hai ḳhabar-dār raho

dil ki hai mātamī-e-hasrat-e-ta.amīr-e-azal

ḳhud hī ġhārat-e-gar-e-sāmāñ hai ḳhabar-dār raho

phir rag-o-pai meñ utar ā.eñge sūraj gal kar

aaj phir koī ġhazal-ḳhvāñ hai ḳhabar-dār raho

ek ik harf ki aa.egā zabāñ par logo

girah-e-sho.ala-e-pechāñ hai ḳhabar-dār raho

kab talak so.oge ai kūcha-e-jānāñ vaalo

asar-e-jaur numāyāñ hai ḳhabar-dār raho

zikr merā ba-badī bhī na zabāñ par laao

ye bhī ik sūrat-e-darmāñ hai ḳhabar-dār raho

tūr-e-sīnā ho ki lahore kī galiyāñ 'shohrat'

husn-e-har-rañg gurezāñ hai ḳhabar-dār raho

sans ki aas nigahban hai KHabar-dar raho

dil charagh-e-tah-e-daman hai KHabar-dar raho

phir do aalam ke ujaDne ki ghaDi aa pahunchi

aaj phir husn pasheman hai KHabar-dar raho

jada-e-shahr-e-tasawwur ki raha rishta-e-jaan

surat-e-gard-e-pareshan hai KHabar-dar raho

phir kisi dil mein qayamat ne sukun DhunDh liya

aaj phir wa dar-e-zindan hai KHabar-dar raho

rang-o-KHushbu ke tilismat mein khone walo

phul mein aag bhi pinhan hai KHabar-dar raho

is qadar mahw na ho jao gham-e-duniya mein

saf aks-e-gham-e-jaanan hai KHabar-dar raho

dil lagao na chaman se na chaman walon se

aaKHir-e-kar bayaban hai KHabar-dar raho

do ghaDi ke liye mumkin hai koi phul khile

hasil-e-dasht-e-mughilan hai KHabar-dar raho

'bu-ali' aabla-pa sar-ba-gareban hai yahan

maut is dard ka darman hai KHabar-dar raho

dil ki hai matami-e-hasrat-e-tamir-e-azal

KHud hi ghaarat-e-gar-e-saman hai KHabar-dar raho

phir rag-o-pai mein utar aaenge suraj gal kar

aaj phir koi ghazal-KHwan hai KHabar-dar raho

ek ek harf ki aaega zaban par logo

girah-e-shoala-e-pechan hai KHabar-dar raho

kab talak sooge ai kucha-e-jaanan walo

asar-e-jaur numayan hai KHabar-dar raho

zikr mera ba-badi bhi na zaban par lao

ye bhi ek surat-e-darman hai KHabar-dar raho

tur-e-sina ho ki lahore ki galiyan 'shohrat'

husn-e-har-rang gurezan hai KHabar-dar raho