sans lete jawan lamhon ki

saañs lete javān lamhoñ kī

koī samjhe zabān lamhoñ kī

kaun detā rahā tavātur se

sehn-e-dil meñ azaan lamhoñ kī

ab ke aanā to phir yahīñ rahnā

kyoñ banūñ mezbān lamhoñ kī

jab vo mahfil meñ rū-barū aa.eñ

rok lenā uḌaan lamhoñ kī

haa.e vo ik nazar mirī jānib

jab huī mehrbān lamhoñ kī

vaqt ke ḳhār-dār jangal meñ

ham ne bāñdhī machān lamhoñ kī

ham ko sadiyoñ udaas rakkhegī

dukh bharī dāstān lamhoñ kī

tum mirī ziist kā asāsa ho

tum 'atā ho mahān lamhoñ kī

vo hai pahlū meñ is ghaḌī 'ambar'

auj par hai uThān lamhoñ kī

sans lete jawan lamhon ki

koi samjhe zaban lamhon ki

kaun deta raha tawatur se

sehn-e-dil mein azan lamhon ki

ab ke aana to phir yahin rahna

kyon banun mezban lamhon ki

jab wo mahfil mein ru-baru aaen

rok lena uDan lamhon ki

hae wo ek nazar meri jaanib

jab hui mehrban lamhon ki

waqt ke KHar-dar jangal mein

hum ne bandhi machan lamhon ki

hum ko sadiyon udas rakkhegi

dukh bhari dastan lamhon ki

tum meri zist ka asasa ho

tum 'ata ho mahan lamhon ki

wo hai pahlu mein is ghaDi 'ambar'

auj par hai uThan lamhon ki