saqi-e-rangin-ada tha baada-e-gulfam tha

sāqī-e-rangīñ-adā thā bāda-e-gulfām thā

nāseh-e-mushfiq lihāz-e-tauba mushkil kaam thā

jo tajallī-āshnā thā jalva-gāh-e-ām meñ

vo nigāheñ thiiñ hamārī yā dil-e-nākām thā

merā afsāna sunāyā qais ne farhād ne

ab bhī maiñ badnām huuñ pahle bhī maiñ badnām thā

un kī mahfil meñ faqat maiñ hī na thā hasrat-zada

sham.a bhī afsurda thī parvāna bhī nākām thā

kyā sunā.ūñ aap ko afsāna-e-rāh-e-vafā

muḳhtasar ye hai ki maiñ nākām huuñ nākām thā

ab hameñ vo din vo rāteñ yaad aatī haiñ 'rashīd'

kū-e-jānāñ kī bahāreñ thiiñ dil-e-ḳhush-kām thā

saqi-e-rangin-ada tha baada-e-gulfam tha

naseh-e-mushfiq lihaz-e-tauba mushkil kaam tha

jo tajalli-ashna tha jalwa-gah-e-am mein

wo nigahen thin hamari ya dil-e-nakaam tha

mera afsana sunaya qais ne farhad ne

ab bhi main badnam hun pahle bhi main badnam tha

un ki mahfil mein faqat main hi na tha hasrat-zada

shama bhi afsurda thi parwana bhi nakaam tha

kya sunaun aap ko afsana-e-rah-e-wafa

muKHtasar ye hai ki main nakaam hun nakaam tha

ab hamein wo din wo raaten yaad aati hain 'rashid'

ku-e-jaanan ki bahaaren thin dil-e-KHush-kaam tha