saqi-gari ka farz ada kar diya gaya

sāqī-garī kā farz adā kar diyā gayā

paanī kā ghūñT zahr milā kar diyā gayā

bas tajraboñ kī nazr hue apne saare ḳhvāb

kyā ham ne karnā chāhā thā kyā kar diyā gayā

vābastagī kisī kī to is ġham-kade se hai

varna yahāñ pe kaun jalā kar diyā gayā

ab qaid ḳhatm hone kī vo kyā ḳhushī manā.e

par qaiñch kar ke jis ko rihā kar diyā gayā

ḳhū-e-sitam tumheñ dī hameñ ḳhū-e-zabt-e-ġham

sab ko ba-qadr-e-zarf atā kar diyā gayā

ik zikr aisā chheḌā kisī ġham-gusār ne

bharne ko thā jo zaḳhm harā kar diyā gayā

saqi-gari ka farz ada kar diya gaya

pani ka ghunT zahr mila kar diya gaya

bas tajrabon ki nazr hue apne sare KHwab

kya hum ne karna chaha tha kya kar diya gaya

wabastagi kisi ki to is gham-kade se hai

warna yahan pe kaun jala kar diya gaya

ab qaid KHatm hone ki wo kya KHushi manae

par qainch kar ke jis ko riha kar diya gaya

KHu-e-sitam tumhein di hamein KHu-e-zabt-e-gham

sab ko ba-qadr-e-zarf ata kar diya gaya

ek zikr aisa chheDa kisi gham-gusar ne

bharne ko tha jo zaKHm hara kar diya gaya