saqi ko agar fikr-e-mudawa bhi nahin hai
saaqī ko agar fikr-e-mudāvā bhī nahīñ hai
is kam-nigahī kā hameñ shikva bhī nahīñ hai
vo jaur se baaz aayā ho aisā bhī nahīñ hai
aur shahr meñ zālim kahīñ rusvā bhī nahīñ hai
achchhā hai agar aap kā ho jaa.e ishāra
tūfān ka.ī roz se uThThā bhī nahīñ hai
palkoñ pe chamakne lage ashkoñ ke sitāre
hoñToñ pe tabassum abhī aayā bhī nahīñ hai
kis daur meñ tum mehr-o-vafā DhūñD rahe ho
ab dil meñ kahīñ ḳhauf-e-ḳhudā kā bhī nahīñ hai
kyā jāniye kyā baat hai kyā bhuul ga.e vo
muddat huī dil zor se dhaḌkā bhī nahīñ hai
ai 'shauq' ġhazal kahte ho aur tum ko abhī tak
alfāz baratne kā salīqa bhī nahīñ hai
saqi ko agar fikr-e-mudawa bhi nahin hai
is kam-nigahi ka hamein shikwa bhi nahin hai
wo jaur se baz aaya ho aisa bhi nahin hai
aur shahr mein zalim kahin ruswa bhi nahin hai
achchha hai agar aap ka ho jae ishaara
tufan kai roz se uThTha bhi nahin hai
palkon pe chamakne lage ashkon ke sitare
honTon pe tabassum abhi aaya bhi nahin hai
kis daur mein tum mehr-o-wafa DhunD rahe ho
ab dil mein kahin KHauf-e-KHuda ka bhi nahin hai
kya jaaniye kya baat hai kya bhul gae wo
muddat hui dil zor se dhaDka bhi nahin hai
ai 'shauq' ghazal kahte ho aur tum ko abhi tak
alfaz baratne ka saliqa bhi nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
