saqi mai-e-wahdat ka wo jam pila mujhko

saaqī mai-e-vahdat kā vo jaam pilā mujh ko

miT jaa.e ḳhudī dil se mil jaa.e ḳhudā mujh ko

duniyā meñ milā zāhid jannat kā maza mujh ko

hāsil hai bahāroñ meñ ik kaif nayā mujh ko

dekhā thā tirā jalva jab hosh na thā mujh ko

ab yaad nahīñ aatā kuchh is ke sivā mujh ko

ye marhale tai hoñge duniyā meñ mohabbat ke

pahuñchā.egā manzil tak ḳhud zauq-e-fanā mujh ko

kyā un ko sunā.ūñ maiñ afsāna-e-barbādī

aatī hai nazar is meñ kuchh dil kī ḳhatā mujh ko

jab apnī haqīqat ko maiñ ḳhud hī nahīñ samjhā

kyā terī ḳhabar mujh ko kyā terā pata mujh ko

kyā un kā bigaḌtā hai sajdoñ se 'zabīh' apne

kyoñ aañkh dikhāte haiñ naqsh-e-kaf-e-pā mujh ko

saqi mai-e-wahdat ka wo jam pila mujh ko

miT jae KHudi dil se mil jae KHuda mujh ko

duniya mein mila zahid jannat ka maza mujh ko

hasil hai bahaaron mein ek kaif naya mujh ko

dekha tha tera jalwa jab hosh na tha mujh ko

ab yaad nahin aata kuchh is ke siwa mujh ko

ye marhale tai honge duniya mein mohabbat ke

pahunchaega manzil tak KHud zauq-e-fana mujh ko

kya un ko sunaun main afsana-e-barbaadi

aati hai nazar is mein kuchh dil ki KHata mujh ko

jab apni haqiqat ko main KHud hi nahin samjha

kya teri KHabar mujh ko kya tera pata mujh ko

kya un ka bigaDta hai sajdon se 'zabih' apne

kyon aankh dikhate hain naqsh-e-kaf-e-pa mujh ko