saqiya ek nazar kafi hai bas ab ke baras

sāqiyā ek nazar kaafī hai bas ab ke baras

aañkh se aañkh ko piitā hai ye ras ab ke baras

mere sayyād ko aayā hai taras ab ke baras

rakh diyā sehn-e-gulistāñ meñ qafas ab ke baras

muntazir aaj har ik rind hai ai abr-e-bahār

mai-kada ġharq ho itnā to baras ab ke baras

abr ghir ghir ke chalā aatā hai maiḳhāne kī samt

kaash saaqī ko bhī aa jaa.e taras ab ke baras

mai-kada saarā mahak jaa.e mai-o-jām ke saath

bāñdhī jaa.e dar-e-mai-ḳhāna pe ḳhas ab ke baras

jis kā jī chāhe vo saaqī kī nazar se pī le

mai-kasho hech hai angūr kā ras ab ke baras

hone vaalā hai koī fā.ez-e-manzil shāyad

aa rahī hai na.ī āvāz-e-jaras ab ke baras

sāhib-e-zarf haiñ sairāb nazar se un kī

aur bhaTakte hī rahe ahl-e-havas ab ke baras

koī tishna na rahegā zarā ho jaane do

saare maiḳhāne pe 'maikash' mirā bas ab ke baras

saqiya ek nazar kafi hai bas ab ke baras

aankh se aankh ko pita hai ye ras ab ke baras

mere sayyaad ko aaya hai taras ab ke baras

rakh diya sehn-e-gulistan mein qafas ab ke baras

muntazir aaj har ek rind hai ai abr-e-bahaar

mai-kada gharq ho itna to baras ab ke baras

abr ghir ghir ke chala aata hai maiKHane ki samt

kash saqi ko bhi aa jae taras ab ke baras

mai-kada sara mahak jae mai-o-jam ke sath

bandhi jae dar-e-mai-KHana pe KHas ab ke baras

jis ka ji chahe wo saqi ki nazar se pi le

mai-kasho hech hai angur ka ras ab ke baras

hone wala hai koi faez-e-manzil shayad

aa rahi hai nai aawaz-e-jaras ab ke baras

sahib-e-zarf hain sairab nazar se un ki

aur bhaTakte hi rahe ahl-e-hawas ab ke baras

koi tishna na rahega zara ho jaane do

sare maiKHane pe 'maikash' mera bas ab ke baras