sara guman yaqin mein tabdil ho gaya
saarā gumāñ yaqīn meñ tabdīl ho gayā
miTTī thā maiñ zamīn meñ tabdīl ho gayā
aañsū dhuāñ sharāb se hāsil karo mujhe
maiñ ek shaḳhs tiin meñ tabdīl ho gayā
jab 'ishq tere baa'd kisī se nahīñ huā
tab 'ishq mere diin meñ tabdīl ho gayā
ye dekh kar butoñ ko hañsī aanī chāhiye
har aadmī machine meñ tabdīl ho gayā
jādūgarī kamāl kī us ne dikhā.ī thī
fauran hī saañp biin meñ tabdīl ho gayā
jo naqsh us ne rang diyā apne rang se
vo naqsh ‘ālamīn meñ tabdīl ho gayā
jab us ne māthā chuum ke merā tilak kiyā
qashqa mirī jabīn meñ tabdīl ho gayā
sara guman yaqin mein tabdil ho gaya
miTTi tha main zamin mein tabdil ho gaya
aansu dhuan sharab se hasil karo mujhe
main ek shaKHs tin mein tabdil ho gaya
jab 'ishq tere ba'd kisi se nahin hua
tab 'ishq mere din mein tabdil ho gaya
ye dekh kar buton ko hansi aani chahiye
har aadmi machine mein tabdil ho gaya
jadugari kamal ki us ne dikhai thi
fauran hi sanp bin mein tabdil ho gaya
jo naqsh us ne rang diya apne rang se
wo naqsh ‘alamin mein tabdil ho gaya
jab us ne matha chum ke mera tilak kiya
qashqa meri jabin mein tabdil ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
