sari duniya jab gham-e-dauran se ghabra jae hai

saarī duniyā jab ġham-e-daurāñ se ghabrā jaa.e hai

aap kā dīvāna to us dam bhī hañstā jaa.e hai

ik ghaḌī aisī bhī aatī hai tasavvur meñ tire

jab ḳhud apne jī se terā haal pūchhā jaa.e hai

pūchhte kyā ho dil-e-ġham-āshnā ke hausle

ye safīna vo hai jo tūfāñ se Takrā jaa.e hai

ziist kā anjām kyā hai gardish-e-daurāñ hai kyā

haath meñ ho jaam to ye kis se sochā jaa.e hai

bas hī kyā hai apnā 'shāriq' fitrat-e-muḳhtār par

jo dikhāyā jā rahā hai ham ko dekhā jaa.e hai

sari duniya jab gham-e-dauran se ghabra jae hai

aap ka diwana to us dam bhi hansta jae hai

ek ghaDi aisi bhi aati hai tasawwur mein tere

jab KHud apne ji se tera haal puchha jae hai

puchhte kya ho dil-e-gham-ashna ke hausle

ye safina wo hai jo tufan se Takra jae hai

zist ka anjam kya hai gardish-e-dauran hai kya

hath mein ho jam to ye kis se socha jae hai

bas hi kya hai apna 'shaariq' fitrat-e-muKHtar par

jo dikhaya ja raha hai hum ko dekha jae hai