sath hona bhi tera jhuTa dilasa hai mujhe

saath honā bhī tirā jhūTā dilāsā hai mujhe

maiñ samajhtā huuñ ki lafzoñ se bahalnā hai mujhe

kyuuñ sañbhālūñ jo ye kahte ho sañbhālo ḳhud ko

jab tirā ġhair kā honā bhī gavārā hai mujhe

tū utartā hī nahīñ dil se abhī tak mere

tū ne kis tarah ḳhudā jaane bhulāyā hai mujhe

ab nahīñ soch zamāne kī bhale jo soche

ab to dīvār se ġham terā lagātā hai mujhe

dam hī lene na diyā mujh ko tirī chāhat ne

dar-ba-dar saath yūñhī apne chalāyā hai mujhe

dekhtā huuñ maiñ ka.ī uḌte parinde din bhar

shaam hotī hai to phir piñjra satātā hai mujhe

jab bhī aa.egī bahāroñ pe javānī 'rāmiz'

terī yādoñ meñ gulāboñ sā bikharnā hai mujhe

sath hona bhi tera jhuTa dilasa hai mujhe

main samajhta hun ki lafzon se bahalna hai mujhe

kyun sanbhaalun jo ye kahte ho sanbhaalo KHud ko

jab tera ghair ka hona bhi gawara hai mujhe

tu utarta hi nahin dil se abhi tak mere

tu ne kis tarah KHuda jaane bhulaya hai mujhe

ab nahin soch zamane ki bhale jo soche

ab to diwar se gham tera lagata hai mujhe

dam hi lene na diya mujh ko teri chahat ne

dar-ba-dar sath yunhi apne chalaya hai mujhe

dekhta hun main kai uDte parinde din bhar

sham hoti hai to phir pinjra satata hai mujhe

jab bhi aaegi bahaaron pe jawani 'ramiz'

teri yaadon mein gulabon sa bikharna hai mujhe