sath kya sach ka de diya humne

saath kyā sach kā de diyā ham ne

sab ko dushman banā liyā ham ne

kahne ko zindagī guzārī hai

kuchh hī pal the jinheñ jiyā ham ne

vaqt ne saare faisle thope

apnī marzī se kyā kiyā ham ne

ham-sarī ham se na kar ai suqrāt

zahr har roz hai piyā ham ne

jaate jaate hai ye malāl 'sadā'

aa ke duniyā meñ kyā kiyā ham ne

sath kya sach ka de diya hum ne

sab ko dushman bana liya hum ne

kahne ko zindagi guzari hai

kuchh hi pal the jinhen jiya hum ne

waqt ne sare faisle thope

apni marzi se kya kiya hum ne

ham-sari hum se na kar ai suqraat

zahr har roz hai piya hum ne

jate jate hai ye malal 'sada'

aa ke duniya mein kya kiya hum ne