sath mein kuchh hain kuchh qafas mein hain

saath meñ kuchh haiñ kuchh qafas meñ haiñ

saare panchhī tumhāre bas meñ haiñ

talḳh lahja hai baap kā lekin

fā.ede ḳhuub nīm-ras meñ haiñ

paḌhne baiTheñ to 'umr lag jaa.e

itne afsāne ḳhār-o-ḳhas meñ haiñ

tum ko 'ġhālib' zamāna jāntā hai

ham bhī mash.hūr aaTh das meñ haiñ

kaun aage baḌhe milā.e haath

ab mile haiñ to pesh-o-pas meñ haiñ

chāho jis ko banā do khalnāyak

saare kirdār dastaras meñ haiñ

ruuh parvāz kar ga.ī lekin

aap zinda nafas-nafas meñ haiñ

sath mein kuchh hain kuchh qafas mein hain

sare panchhi tumhaare bas mein hain

talKH lahja hai bap ka lekin

faede KHub nim-ras mein hain

paDhne baiThen to 'umr lag jae

itne afsane KHar-o-KHas mein hain

tum ko 'ghaalib' zamana jaanta hai

hum bhi mashhur aaTh das mein hain

kaun aage baDhe milae hath

ab mile hain to pesh-o-pas mein hain

chaho jis ko bana do khalnayak

sare kirdar dastaras mein hain

ruh parwaz kar gai lekin

aap zinda nafas-nafas mein hain