sath wahshat ho to purwai kahan se aae

saath vahshat ho to purvā.ī kahāñ se aa.e

rut ḳhizāñ kī ho to ra.anā.ī kahāñ se aa.e

tū ne dekhe hī nahīñ ishq meñ pech-o-ḳham jab

phir tire sheroñ meñ gahrā.ī kahāñ se aa.e

jis ke hoñToñ pe sadā jhuuT rahā kartā hai

us ke kirdār meñ sachchā.ī kahāñ se aa.e

mere har zaḳhm kī gahrā.ī samajhne vaale

sochtā huuñ ki masīhā.ī kahāñ se aa.e

jis makāñ meñ bhī panaptī hai burā.ī logo

us makāñ meñ bhalā achchhā.ī kahāñ se aa.e

merī shorīda-mizājī ko parakhne vaale

pūchhte haiñ ki tamāshā.ī kahāñ se aa.e

zindagānī kī alāmat hai sadāqat 'ahmad'

dil hī kaalā ho to dānā.ī kahāñ se aa.e

sath wahshat ho to purwai kahan se aae

rut KHizan ki ho to ranai kahan se aae

tu ne dekhe hi nahin ishq mein pech-o-KHam jab

phir tere sheron mein gahrai kahan se aae

jis ke honTon pe sada jhuT raha karta hai

us ke kirdar mein sachchai kahan se aae

mere har zaKHm ki gahrai samajhne wale

sochta hun ki masihai kahan se aae

jis makan mein bhi panapti hai burai logo

us makan mein bhala achchhai kahan se aae

meri shorida-mizaji ko parakhne wale

puchhte hain ki tamashai kahan se aae

zindagani ki alamat hai sadaqat 'ahmad'

dil hi kala ho to danai kahan se aae