sath wo aaKHir-e-shab tak rahta

saath vo āḳhir-e-shab tak rahtā

chāñd rahtā bhī to kab tak rahtā

yā chalā aatā vahāñ se uTh kar

yā vahīñ arz-e-talab tak rahtā

aise mahfil meñ na hote badnām

mudda.ā larzish-e-lab tak rahtā

us pe khul jaate junūñ ke asrār

vo agar shor-o-shaġhab tak rahtā

pesh-qadmī kī duā.eñ detā

ik nigahbān aqab tak rahtā

pahlī fursat meñ nikal aanā thā

maiñ vahāñ rahtā to ab tak rahtā

us se aage kā mujhe ilm na thā

kaash vo nām-o-nasab tak rahtā

tasht-az-bām na hotā 'kātib'

raaz vo muhr-ba-lab tak rahtā

sath wo aaKHir-e-shab tak rahta

chand rahta bhi to kab tak rahta

ya chala aata wahan se uTh kar

ya wahin arz-e-talab tak rahta

aise mahfil mein na hote badnam

muddaa larzish-e-lab tak rahta

us pe khul jate junun ke asrar

wo agar shor-o-shaghab tak rahta

pesh-qadmi ki duaen deta

ek nigahban aqab tak rahta

pahli fursat mein nikal aana tha

main wahan rahta to ab tak rahta

us se aage ka mujhe ilm na tha

kash wo nam-o-nasab tak rahta

tasht-az-baam na hota 'katib'

raaz wo muhr-ba-lab tak rahta