saton rang khula nahin pae hum bhi to

sātoñ rañg khulā nahīñ paa.e ham bhī to

mausam us ke lā nahīñ paa.e ham bhī to

Dūbte kaise barf jamī thī dariyā meñ

sāñsoñ se pighlā nahīñ paa.e ham bhī to

jis kī tohmat rakkhī apne buzurgoñ par

vo dīvār girā nahīñ paa.e ham bhī to

laḌke ham se pūchh rahe the kaun haiñ aap

barsoñ ghar tak jā nahīñ paa.e ham bhī to

kis muñh se ham us ko samjhāte 'afsar'

dil kā bojh uThā nahīñ paa.e ham bhī to

saton rang khula nahin pae hum bhi to

mausam us ke la nahin pae hum bhi to

Dubte kaise barf jami thi dariya mein

sanson se pighla nahin pae hum bhi to

jis ki tohmat rakkhi apne buzurgon par

wo diwar gira nahin pae hum bhi to

laDke hum se puchh rahe the kaun hain aap

barson ghar tak ja nahin pae hum bhi to

kis munh se hum us ko samjhate 'afsar'

dil ka bojh uTha nahin pae hum bhi to