saya-e-be-aman se kya hasil

sāya-e-be-amāñ se kyā hāsil

zindagī is jahāñ se kyā hāsil

kuchh bhī dekhā na ham ne jī bhar ke

aisī umr-e-ravāñ se kyā hāsil

dil hai merā to ġham nahīñ merā

aise rabt-e-nihāñ se kyā hāsil

jab qadam apne uTh na paate hoñ

tezī-e-ham-rahāñ se kyā hāsil

naqd-e-jāñ gar aziiz hai to 'sabā'

zikr-e-kū-e-butāñ se kyā hāsil

saya-e-be-aman se kya hasil

zindagi is jahan se kya hasil

kuchh bhi dekha na hum ne ji bhar ke

aisi umr-e-rawan se kya hasil

dil hai mera to gham nahin mera

aise rabt-e-nihan se kya hasil

jab qadam apne uTh na pate hon

tezi-e-ham-rahan se kya hasil

naqd-e-jaan gar aziz hai to 'saba'

zikr-e-ku-e-butan se kya hasil