saya-e-zulf-e-kaj-shiar kahan

sāya-e-zulf-e-kaj-shi.ār kahāñ

ye karam aur bār-bār kahāñ

husn ko ḳhū-e-ehtiyāt ġhazab

ishq ko zabt-e-intizār kahāñ

Do-ghaḌī Thahr jā rupahlī shaam

roz milte haiñ jāñ-nisār kahāñ

ek darvesh-e-be-galīm se pūchh

dil pe duniyā kā iḳhtiyār kahāñ

ai shab-e-intizār ḳhatm na ho

aur baaqī hai ab qarār kahāñ

uf jigar chīrtī huī āvāz

koī rotā hai zār-zār kahāñ

dekh phūloñ se jal ga.e dāman

ab charāġhoñ kā e.atibār kahāñ

paikar-e-husn bijliyāñ na girā

ab sakat aur chashm-e-yār kahāñ

haañ batā de kahāñ rahūñ behosh

aur rahnā hai hoshiyār kahāñ

terā 'bazmī' shahīd-e-jām-e-alast

is ko ḳhauf-e-salīb-o-dār kahāñ

saya-e-zulf-e-kaj-shiar kahan

ye karam aur bar-bar kahan

husn ko KHu-e-ehtiyat ghazab

ishq ko zabt-e-intizar kahan

Do-ghaDi Thahr ja rupahli sham

roz milte hain jaan-nisar kahan

ek darwesh-e-be-galim se puchh

dil pe duniya ka iKHtiyar kahan

ai shab-e-intizar KHatm na ho

aur baqi hai ab qarar kahan

uf jigar chirti hui aawaz

koi rota hai zar-zar kahan

dekh phulon se jal gae daman

ab charaghon ka eatibar kahan

paikar-e-husn bijliyan na gira

ab sakat aur chashm-e-yar kahan

han bata de kahan rahun behosh

aur rahna hai hoshiyar kahan

tera 'bazmi' shahid-e-jam-e-alast

is ko KHauf-e-salib-o-dar kahan