sazishon ki bhiD thi chehra chhupa kar chal diye

sāzishoñ kī bhiiḌ thī chehra chhupā kar chal diye

nafratoñ kī aag se dāman bachā kar chal diye

nā-mukammal dāstāñ dil meñ simaT kar rah ga.ī

vo zamāne kī ka.ī bāteñ sunā kar chal diye

zikr merā guftugū meñ jab kabhī bhī aa gayā

muskurā.e aur phir nazreñ jhukā kar chal diye

manzil-e-dīvāngī hāsil huī yūñhī nahīñ

kyā batā.eñ pyaar meñ kyā kyā gañvā kar chal diye

vaqt se pahle baḌā hone kā ye hāsil huā

tishnagī meñ ham samundar ko uThā kar chal diye

rang kaalā paḌ gayā hai marmarī taqdīr kā

muflisī kī dhuup meñ armāñ jalā kar chal diye

sazishon ki bhiD thi chehra chhupa kar chal diye

nafraton ki aag se daman bacha kar chal diye

na-mukammal dastan dil mein simaT kar rah gai

wo zamane ki kai baaten suna kar chal diye

zikr mera guftugu mein jab kabhi bhi aa gaya

muskurae aur phir nazren jhuka kar chal diye

manzil-e-diwangi hasil hui yunhi nahin

kya bataen pyar mein kya kya ganwa kar chal diye

waqt se pahle baDa hone ka ye hasil hua

tishnagi mein hum samundar ko uTha kar chal diye

rang kala paD gaya hai marmari taqdir ka

muflisi ki dhup mein arman jala kar chal diye