sab hai zer-e-bahs jo zahir hai ya poshida hai

sab hai zer-e-bahs jo zāhir hai yā poshīda hai

aur nazar se apnī parda aañkh kā bosīda hai

jab mile tūmār-e-āgāhī se fursat dekhnā

kin tahoñ meñ ramz-e-aql-e-nā-rasā poshīda hai

kaun sā aañsū ho maqbūl-e-bunā-gosh-e-qubūl

kis sadaf ko kyā ḳhabar hai us meñ kyā poshīda hai

be-amāñ is darja vahshat-ḳhez hai sa.ī-e-junūñ

yak jahāñ sahrā hamāre zer-e-pā poshīda hai

ham musāfir aisī manzil ke hue jis ke liye

rāsta zāhir hai lekin fāsla poshīda hai

sarsar-e-hastī meñ zinda hai abhī tak ek lau

shola-e-dil zer-e-dāmān-e-havā poshīda hai

ek āñdhī ḳhaak tak merī uḌā kar le ga.ī

maiñ kahāñ huuñ sāhibo ye mājrā poshīda hai

sab hai zer-e-bahs jo zahir hai ya poshida hai

aur nazar se apni parda aankh ka bosida hai

jab mile tumar-e-agahi se fursat dekhna

kin tahon mein ramz-e-aql-e-na-rasa poshida hai

kaun sa aansu ho maqbul-e-buna-gosh-e-qubul

kis sadaf ko kya KHabar hai us mein kya poshida hai

be-aman is darja wahshat-KHez hai sai-e-junun

yak jahan sahra hamare zer-e-pa poshida hai

hum musafir aisi manzil ke hue jis ke liye

rasta zahir hai lekin fasla poshida hai

sarsar-e-hasti mein zinda hai abhi tak ek lau

shola-e-dil zer-e-daman-e-hawa poshida hai

ek aandhi KHak tak meri uDa kar le gai

main kahan hun sahibo ye majra poshida hai