sab hain masruf KHun pine mein

sab haiñ masrūf ḳhuun piine meñ

kaun jhāñke kisī ke siine meñ

lahreñ ādāb kar ke uThtī haiñ

kaun baiThā hai is safīne meñ

'mīr' ke she'r tak nahīñ Tikte

vo ḳhalā hai hamāre siine meñ

aañkh meñ ab nazar nahīñ baaqī

dil nahīñ hai kisī ke siine meñ

āñsuoñ se lahū nadārad aur

ḳhuun shāmil nahīñ pasīne meñ

yahī mausam hai aao mar jaa.eñ

phuul khilte haiñ is mahīne meñ

maut āvāz dene lagtī hai

jī lagātā huuñ jab bhī jiine meñ

sab hain masruf KHun pine mein

kaun jhanke kisi ke sine mein

lahren aadab kar ke uThti hain

kaun baiTha hai is safine mein

'mir' ke she'r tak nahin Tikte

wo KHala hai hamare sine mein

aankh mein ab nazar nahin baqi

dil nahin hai kisi ke sine mein

aansuon se lahu nadarad aur

KHun shamil nahin pasine mein

yahi mausam hai aao mar jaen

phul khilte hain is mahine mein

maut aawaz dene lagti hai

ji lagata hun jab bhi jine mein