sab hasinon se ghalat-fahmi ka tufan nikla

sab hasīnoñ se ġhalat-fahmī kā tūfāñ niklā

vo sar-e-bazm-e-nigārāñ jo numāyāñ niklā

mere ash'ār ko me'yār kā e'zāz milā

jān-e-jāñ merā suḳhan-fahm-o-suḳhan-dāñ niklā

muta'ajjib hue sab ahl-e-yaqīn-o-īmāñ

jis ko kāfir kahā jaatā thā musalmāñ niklā

le liyā jhuum ke āġhosh meñ rahmat ne use

munfa'il ho ke jo motī sar-e-mizhgāñ niklā

lazzat-e-dard se mahrūm vo ho jā.egā

dil se 'āshiq ke agar lutf kā paikāñ niklā

jaan kī ḳhair hai us kī na salāmat zar-o-māl

haif jamhūr meñ insān hī arzāñ niklā

sab hasinon se ghalat-fahmi ka tufan nikla

wo sar-e-bazm-e-nigaran jo numayan nikla

mere ash'ar ko me'yar ka e'zaz mila

jaan-e-jaan mera suKHan-fahm-o-suKHan-dan nikla

muta'ajjib hue sab ahl-e-yaqin-o-iman

jis ko kafir kaha jata tha musalman nikla

le liya jhum ke aaghosh mein rahmat ne use

munfa'il ho ke jo moti sar-e-mizhgan nikla

lazzat-e-dard se mahrum wo ho jaega

dil se 'ashiq ke agar lutf ka paikan nikla

jaan ki KHair hai us ki na salamat zar-o-mal

haif jamhur mein insan hi arzan nikla