sab jhuT hai is dasht mein jo kuchh bhi jahan hai

sab jhuuT hai is dasht meñ jo kuchh bhī jahāñ hai

taptī huī retīlī zamīñ āb-e-ravāñ hai

ḳhud ban ke bigaḌ jaatā huuñ mañDlātī havā meñ

pahchān mirī hai na koī nām-o-nishāñ hai

taqsīm-e-javāhar ne tamāsha vo dikhāyā

tā-hadd-e-nazar zer-e-falak sirf dhuāñ hai

ye kaun sī bastī hai tah-e-ḳhāk-e-tamannā

har aañkh jahāñ nam hai har ik chehra dhuāñ hai

ik rang ki bikhrā hai dar-o-bām pe har-sū

ik gardish-e-hālāt ki āñkhoñ se 'ayāñ hai

haañ jis kī tajallī se har ik zarra hai raushan

vo aap pas-e-parda-e-aflāk nihāñ hai

sab jhuT hai is dasht mein jo kuchh bhi jahan hai

tapti hui retili zamin aab-e-rawan hai

KHud ban ke bigaD jata hun manDlati hawa mein

pahchan meri hai na koi nam-o-nishan hai

taqsim-e-jawahar ne tamasha wo dikhaya

ta-hadd-e-nazar zer-e-falak sirf dhuan hai

ye kaun si basti hai tah-e-KHak-e-tamanna

har aankh jahan nam hai har ek chehra dhuan hai

ek rang ki bikhra hai dar-o-baam pe har-su

ek gardish-e-haalat ki aankhon se 'ayan hai

han jis ki tajalli se har ek zarra hai raushan

wo aap pas-e-parda-e-aflak nihan hai