sab jo karte hain wahi kar jaen kya

sab jo karte haiñ vahī kar jaa.eñ kyā

shahr hī meñ ghar koī banvā.eñ kyā

dostoñ se dushmanī karte nahīñ

dushmanoñ ko jā ke ye samjhā.eñ kyā

jaisā kal thā aaj vo vaisā nahīñ

dasht meñ majnūñ se milne jaa.eñ kyā

dil meñ jo bhī hai vo kah do saaf saaf

bak rahe ho aa.eñ baa.eñ shā.eñ kyā

bhūlnā 'ādat meñ shāmil aap kī

phir unhīñ bātoñ ko ham dohrā.eñ kyā

jitnā ham se ho sakā ham ne kiyā

zindagī tū hī batā mar jaa.eñ kyā

hai mohabbat aur muravvat chup jo haiñ

aap kī har baat ko Thukrā.eñ kyā

hai kahāñ tā'bīr kī sūrat koī

ḳhvāb hī bas dekhte rah jaa.eñ kyā

kuchh kaho ye chāhte haiñ log sab

tum ye kahte ho ki ham farmā.eñ kyā

sab jo karte hain wahi kar jaen kya

shahr hi mein ghar koi banwaen kya

doston se dushmani karte nahin

dushmanon ko ja ke ye samjhaen kya

jaisa kal tha aaj wo waisa nahin

dasht mein majnun se milne jaen kya

dil mein jo bhi hai wo kah do saf saf

bak rahe ho aaen baen shaen kya

bhulna 'adat mein shamil aap ki

phir unhin baaton ko hum dohraen kya

jitna hum se ho saka hum ne kiya

zindagi tu hi bata mar jaen kya

hai mohabbat aur murawwat chup jo hain

aap ki har baat ko Thukraen kya

hai kahan ta'bir ki surat koi

KHwab hi bas dekhte rah jaen kya

kuchh kaho ye chahte hain log sab

tum ye kahte ho ki hum farmaen kya