sab KHayal uske liye hain sab sawal uske liye
sab KHayal uske liye hain sab sawal uske liye
Akhtar Husain Jafri
MORE BYAkhtar Husain Jafri
sab ḳhayāl us ke liye haiñ sab savāl us ke liye
rakh diyā ham ne hisāb-e-māh-o-sāl us ke liye
us kī ḳhushbū ke ta.āqub meñ niklā aayā chaman
jhuk ga.ī sū-e-zamīñ lamhe kī Daal us ke liye
sarv tā ḳhāk-e-giyah apnī vafā kā silsila
sar-kashīda us kī ḳhātir pā.emāl us ke liye
kyā makāñ-ḳhurda ḳhalā.iq meñ chale us kā ḳhayāl
tañg-hā-e-shahr kuchh rasta nikāl us ke liye
shāḳh-e-tanhā.ī se phir niklī bahār-e-fasl-e-zāt
apnī sūrat par hue ham phir bahāl us ke liye
vasl ke badle meñ kyā dāġh-e-sitāra māñgnā
is shab-e-be-ḳhānamāñ se kar savāl us ke liye
sab KHayal us ke liye hain sab sawal us ke liye
rakh diya hum ne hisab-e-mah-o-sal us ke liye
us ki KHushbu ke taaqub mein nikla aaya chaman
jhuk gai su-e-zamin lamhe ki Dal us ke liye
sarw ta KHak-e-giyah apni wafa ka silsila
sar-kashida us ki KHatir paemal us ke liye
kya makan-KHurda KHalaiq mein chale us ka KHayal
tang-ha-e-shahr kuchh rasta nikal us ke liye
shaKH-e-tanhai se phir nikli bahaar-e-fasl-e-zat
apni surat par hue hum phir bahaal us ke liye
wasl ke badle mein kya dagh-e-sitara mangna
is shab-e-be-KHanaman se kar sawal us ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
