sab ki aankhen to khuli hain dekhta koi nahin
sab kī āñkheñ to khulī haiñ dekhtā koī nahīñ
saañs sab kī chal rahī hai jī rahā koī nahīñ
maiñ sisakne kī sadā.eñ sun rahā huuñ baar baar
aap kahte haiñ ki ghar meñ dūsrā koī nahīñ
zindagānī ne liye go imtihāñ-dar-imtihāñ
zindagānī se mujhe phir bhī gila koī nahīñ
koī to āḳhir chalātā hai nizām-e-do-jahāñ
kaise mumkin hai ḳhudā.ī hai ḳhudā koī nahīñ
merī saarī koshishoñ ke kāvishoñ ke bāvajūd
mere saare kaam bigḌe haiñ banā koī nahīñ
sab ki aankhen to khuli hain dekhta koi nahin
sans sab ki chal rahi hai ji raha koi nahin
main sisakne ki sadaen sun raha hun bar bar
aap kahte hain ki ghar mein dusra koi nahin
zindagani ne liye go imtihan-dar-imtihan
zindagani se mujhe phir bhi gila koi nahin
koi to aaKHir chalata hai nizam-e-do-jahan
kaise mumkin hai KHudai hai KHuda koi nahin
meri sari koshishon ke kawishon ke bawajud
mere sare kaam bigDe hain bana koi nahin
- Book : Ahasas ka karb (Pg. 70)
- Author : Rana ganauri
- Publication : Dr. rana ganauri, 1560, Sector-12, Huda, Panipat (Haryana) (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
