sab ki apni apni baaten sab ki apni apni soch

sab kī apnī apnī bāteñ sab kī apnī apnī soch

duniyā ko to mahñgī paḌ ga.ī soch-samajh vāloñ kī soch

is se ziyāda apnī duniyā aur kahāñ tak badlegī

bachchoñ meñ bhī aa hī ga.ī hai būḌhe logoñ jaisī soch

'aql pe jin ko naaz bahut thā vo bhī dil ke saath hue

dhīre dhīre samajh ga.e sab kitnī hai harjā.ī soch

ham to apne ghar meñ ḳhush the ham ko kuchh mā'lūm na thā

apne ghar ko aag lagāne jangal se phir aa.ī soch

sab ki apni apni baaten sab ki apni apni soch

duniya ko to mahngi paD gai soch-samajh walon ki soch

is se ziyaada apni duniya aur kahan tak badlegi

bachchon mein bhi aa hi gai hai buDhe logon jaisi soch

'aql pe jin ko naz bahut tha wo bhi dil ke sath hue

dhire dhire samajh gae sab kitni hai harjai soch

hum to apne ghar mein KHush the hum ko kuchh ma'lum na tha

apne ghar ko aag lagane jangal se phir aai soch