sab ki parda-dari se Dar lagta hai

sab kī parda-dārī se Dar lagtā hai

yaaro rasm-e-yārī se Dar lagtā hai

kis ne āḳhir royā terī mayyat pe

kis ko āh-o-zārī se Dar lagtā hai

kitnā mushkil hai ab kuchh bhī sah lenā

kitnā ab dushvārī se Dar lagtā hai

jis ne sab rishtoñ ko jāñchā parkhā ho

us ko rishta-dārī se Dar lagtā hai

mujh ko to ab yūñhī sote rahne do

mujh ko ab bedārī se Dar lagtā hai

kitne chehre kitne insāñ rakhte haiñ

logoñ kī makkārī se Dar lagtā hai

apne andar suunā suunā phirtā huuñ

apnī hī ġham-ḳhvārī se Dar lagtā hai

pahle bhī dil TuuTā hai merā lekin

ab ke dil-āzārī se Dar lagtā hai

sab ki parda-dari se Dar lagta hai

yaro rasm-e-yari se Dar lagta hai

kis ne aaKHir roya teri mayyat pe

kis ko aah-o-zari se Dar lagta hai

kitna mushkil hai ab kuchh bhi sah lena

kitna ab dushwari se Dar lagta hai

jis ne sab rishton ko jaancha parkha ho

us ko rishta-dari se Dar lagta hai

mujh ko to ab yunhi sote rahne do

mujh ko ab bedari se Dar lagta hai

kitne chehre kitne insan rakhte hain

logon ki makkari se Dar lagta hai

apne andar suna suna phirta hun

apni hi gham-KHwari se Dar lagta hai

pahle bhi dil TuTa hai mera lekin

ab ke dil-azari se Dar lagta hai