sab rang wahi Dhang wahi naz wahi the

sab rañg vahī Dhañg vahī naaz vahī the

is baar to mausam ke sab andāz vahī the

bas ijz kī ḳhushbū kī jagah kibr kī bū thī

lahje meñ zarā farq thā alfāz vahī the

kyā jāniye kyuuñ ab ke mire dil meñ na utre

sur le vahī āvāz vahī saaz vahī the

jo nañg-e-ḳhalā.iq the jo dushman the vatan ke

sīnoñ pe sajā.e hue e.azāz vahī the

jibrīl se aage ga.e jo nūr-sarāpā

shahbāz vahī hāsil-e-parvāz vahī the

sab rang wahi Dhang wahi naz wahi the

is bar to mausam ke sab andaz wahi the

bas ijz ki KHushbu ki jagah kibr ki bu thi

lahje mein zara farq tha alfaz wahi the

kya jaaniye kyun ab ke mere dil mein na utre

sur le wahi aawaz wahi saz wahi the

jo nang-e-KHalaiq the jo dushman the watan ke

sinon pe sajae hue eazaz wahi the

jibril se aage gae jo nur-sarapa

shahbaz wahi hasil-e-parwaz wahi the