sab se pahli KHata mohabbat hai
sab se pahlī ḳhatā mohabbat hai
aur is kī sazā mohabbat hai
mujh se be-intihā gila hai tumheñ
yā'nī be-intihā mohabbat hai
tum takalluf baratnā chhoḌo agar
phir batā.ūñgā kyā mohabbat hai
ik nujūmī ne haath dekhā mirā
aur kahne lagā mohabbat hai
yaar bejā vazāhateñ mat kar
sirf itnā batā mohabbat hai
sab ne terī taraf ishāra kiyā
maiñ ne pūchhā thā kyā mohabbat hai
ek darvesh vajd meñ aa kar
kah rahā thā ḳhudā mohabbat hai
'ishq hai intihā mohabbat kī
'ishq kī ibtidā mohabbat hai
sab se pahli KHata mohabbat hai
aur is ki saza mohabbat hai
mujh se be-intiha gila hai tumhein
ya'ni be-intiha mohabbat hai
tum takalluf baratna chhoDo agar
phir bataunga kya mohabbat hai
ek nujumi ne hath dekha mera
aur kahne laga mohabbat hai
yar beja wazahaten mat kar
sirf itna bata mohabbat hai
sab ne teri taraf ishaara kiya
main ne puchha tha kya mohabbat hai
ek darwesh wajd mein aa kar
kah raha tha KHuda mohabbat hai
'ishq hai intiha mohabbat ki
'ishq ki ibtida mohabbat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
