sab se pyara hai pyar ka rishta

sab se pyārā hai pyaar kā rishta

jaan se jāñ-nisār kā rishta

ham se rishta huzūr vo rakhiye

jo gale se hai haar kā rishta

aarzū ne tirī nibhāyā hai

'umr-bhar intizār kā rishta

jis kī tasdīq dil bhī kartā ho

hai vahī e'tibār kā rishta

gul ḳhizāoñ meñ saath chhoḌ ga.e

gul se achchhā thā ḳhaar kā rishta

ham jise dostī samajh baiThe

thā faqat kārobār kā rishta

sab kī manzil judā judā niklī

sab se thā rahguzār kā rishta

dekhiye kitne roz nibhtā hai

ham se is gul-‘izār kā rishta

jism kī ruuh se rahī an-ban

thā chalo ek baar kā rishta

ahl-e-haq ko rahe ḳhayāl 'sadā'

ḳhaas hai haq se daar kā rishta

sab se pyara hai pyar ka rishta

jaan se jaan-nisar ka rishta

hum se rishta huzur wo rakhiye

jo gale se hai haar ka rishta

aarzu ne teri nibhaya hai

'umr-bhar intizar ka rishta

jis ki tasdiq dil bhi karta ho

hai wahi e'tibar ka rishta

gul KHizaon mein sath chhoD gae

gul se achchha tha KHar ka rishta

hum jise dosti samajh baiThe

tha faqat karobar ka rishta

sab ki manzil juda juda nikli

sab se tha rahguzar ka rishta

dekhiye kitne roz nibhta hai

hum se is gul-‘izar ka rishta

jism ki ruh se rahi an-ban

tha chalo ek bar ka rishta

ahl-e-haq ko rahe KHayal 'sada'

KHas hai haq se dar ka rishta