sab se unchi meri uDan ho kya

sab se ūñchī mirī uḌaan ho kyā

āsmānoñ kā imtihān ho kyā

tum meñ sab kuchh jo mujh ko dikhtā hai

tum mukammal mirā jahān ho kyā

jis kā koī sirā nahīñ miltā

tum mohabbat kī dāstān ho kyā

koī bhī jī na pā.egā tum bin

jiine vāloñ kī ān-bān ho kyā

chup haiñ saare hī mudda.ī mere

tujh pe aa ke mirā bayān ho kyā

tum pe aatā nahīñ yaqīñ mujh ko

vo jo rahtā nahīñ gumān ho kyā

sab se unchi meri uDan ho kya

aasmanon ka imtihan ho kya

tum mein sab kuchh jo mujh ko dikhta hai

tum mukammal mera jahan ho kya

jis ka koi sira nahin milta

tum mohabbat ki dastan ho kya

koi bhi ji na paega tum bin

jine walon ki aan-ban ho kya

chup hain sare hi muddai mere

tujh pe aa ke mera bayan ho kya

tum pe aata nahin yaqin mujh ko

wo jo rahta nahin guman ho kya