sab the manzur-e-nazar ek main ruswa tha faqat

sab the manzūr-e-nazar ek maiñ rusvā thā faqat

the tamāshā.ī sabhī maiñ hī tamāshā thā faqat

sāmne hadd-e-nazar tak mire sahrā thā faqat

aur ye nazzāra hī jiine kā sahārā thā faqat

us kī daulat kī tamannā mirī dushman niklī

mere qabze meñ mohabbat kā ḳhazāna thā faqat

aisā mahsūs huā jaise ki tū aayā thā

dar-haqīqat tire saa.e kā bhī saayā thā faqat

maiñ ye samjhā thā haiñ aflāk mirī muTThī meñ

qabr bolī ki tū ik ḳhaak kā putlā thā faqat

rutba saaqī kā thā tere hī to dam se 'jāved'

ek tū hī to bharī bazm meñ pyāsā thā faqat

sab the manzur-e-nazar ek main ruswa tha faqat

the tamashai sabhi main hi tamasha tha faqat

samne hadd-e-nazar tak mere sahra tha faqat

aur ye nazzara hi jine ka sahaara tha faqat

us ki daulat ki tamanna meri dushman nikli

mere qabze mein mohabbat ka KHazana tha faqat

aisa mahsus hua jaise ki tu aaya tha

dar-haqiqat tere sae ka bhi saya tha faqat

main ye samjha tha hain aflak meri muTThi mein

qabr boli ki tu ek KHak ka putla tha faqat

rutba saqi ka tha tere hi to dam se 'jawed'

ek tu hi to bhari bazm mein pyasa tha faqat