saba kahiyo zabani meri Tuk us sarw-qamat ko

sabā kahiyo zabānī merī Tuk us sarv-qāmat ko

ki jab se dil liyā aa.e na phir sāhib-salāmat ko

mire rone ko sun kar yuuñ lagā jhuñjhlā ke vo kahne

miyāñ ye jaan khānā hai uThā do is malāmat ko

jo milnā hai to aa jaao gale se lag ke so rahiye

nahīñ to kaam kyā aaoge ai sāhab qayāmat ko

uThā.e sau tarah ke zulm aur jaur-o-jafā tere

kahā shābāsh bhī tū ne na merī istaqāmat ko

huā maiñ ḳhaak ai 'āsif' na pahuñchā is ke dāmāñ tak

liye jā.ūñgā saath apne adam tak is nadāmat ko

saba kahiyo zabani meri Tuk us sarw-qamat ko

ki jab se dil liya aae na phir sahib-salamat ko

mere rone ko sun kar yun laga jhunjhla ke wo kahne

miyan ye jaan khana hai uTha do is malamat ko

jo milna hai to aa jao gale se lag ke so rahiye

nahin to kaam kya aaoge ai sahab qayamat ko

uThae sau tarah ke zulm aur jaur-o-jafa tere

kaha shabash bhi tu ne na meri istaqamat ko

hua main KHak ai 'asif' na pahuncha is ke daman tak

liye jaunga sath apne adam tak is nadamat ko