sabhi ki thi nazar is par garebanon pe kya guzri

sabhī kī thī nazar is par garebānoñ pe kyā guzrī

kisī ne ye nahīñ dekhā ki dīvānoñ pe kyā guzrī

na pūchho is bharī mahfil meñ insānoñ pe kyā guzrī

hue jab sham.a ke TukḌe to parvānoñ pe kyā guzrī

dhuāñ ban kar uḌā jaatā hai maiḳhāne kā mai-ḳhāna

merā dil toḌ ke saaqī ki paimānoñ pe kyā guzrī

har ek jām-e-mai-e-gul-gūñ kā da.avedār ban baiThā

tirī nīchī nazar uThte hī īmānoñ pe kyā guzrī

hazāroñ saal sar sāhil se Takrātī rahīñ maujeñ

mirī kashtī se Takkar le ke tūfānoñ pe kyā guzrī

abhī 'fayyāz' phir tahzīb legī ik na.ī karvaT

ye phir tārīḳh likkhegī ki insānoñ pe kyā guzrī

sabhi ki thi nazar is par garebanon pe kya guzri

kisi ne ye nahin dekha ki diwanon pe kya guzri

na puchho is bhari mahfil mein insanon pe kya guzri

hue jab shama ke TukDe to parwanon pe kya guzri

dhuan ban kar uDa jata hai maiKHane ka mai-KHana

mera dil toD ke saqi ki paimanon pe kya guzri

har ek jam-e-mai-e-gul-gun ka dawedar ban baiTha

teri nichi nazar uThte hi imanon pe kya guzri

hazaron sal sar sahil se Takraati rahin maujen

meri kashti se Takkar le ke tufanon pe kya guzri

abhi 'fayyaz' phir tahzib legi ek nai karwaT

ye phir tariKH likkhegi ki insanon pe kya guzri