sabr-o-qarar TuT gaya iztirab se

sabr-o-qarār TuuT gayā iztirāb se

phir raaz khul gayā mirī āñkhoñ ke aab se

us dil ke saaz par kisī birhan kā giit hai

aane lagī haiñ siskiyāñ dil ke rabāb se

jaane se pahle us ne mujhe devtā kahā

maiñ umr bhar na chhūT sakā is ḳhitāb se

phir yaad aa ga.e vahī collage ke din mujhe

sūkhe gulāb nikle purānī kitāb se

barbādiyoñ meñ merī kahāñ kis kā haath hai

tum ḳhud hī pūchh lo dil-e-ḳhāna-ḳharāb se

jin ko gumān thā kahīñ koī ḳhudā nahīñ

qaumeñ na bach sakīñ vo ḳhudā ke azaab se

kāfūr pal meñ hotī hai din bhar kī sab thakan

jab dekhtā huuñ bachchoñ ke chehre gulāb se

rakhiye bahut ḳhayāl huqūq-ul-ibād kā

denā paḌegā haq vahāñ sab kā hisāb se

'shāyān' tujh ko aarzū jannat kī hai agar

dil ko lagā le apne ḳhudā kī kitāb se

sabr-o-qarar TuT gaya iztirab se

phir raaz khul gaya meri aankhon ke aab se

us dil ke saz par kisi birhan ka git hai

aane lagi hain siskiyan dil ke rabab se

jaane se pahle us ne mujhe dewta kaha

main umr bhar na chhuT saka is KHitab se

phir yaad aa gae wahi collage ke din mujhe

sukhe gulab nikle purani kitab se

barbaadiyon mein meri kahan kis ka hath hai

tum KHud hi puchh lo dil-e-KHana-KHarab se

jin ko guman tha kahin koi KHuda nahin

qaumen na bach sakin wo KHuda ke azab se

kafur pal mein hoti hai din bhar ki sab thakan

jab dekhta hun bachchon ke chehre gulab se

rakhiye bahut KHayal huquq-ul-ibaad ka

dena paDega haq wahan sab ka hisab se

'shayan' tujh ko aarzu jannat ki hai agar

dil ko laga le apne KHuda ki kitab se