sach hai gham-e-firaq mein hum ro nahin sake

sach hai ġham-e-firāq meñ ham ro nahīñ sake

vo bhī tamām raat magar so nahīñ sake

be-fā.eda hai chāhnā asnām se vafā

ye sañg-dil kisī ke kabhī ho nahīñ sake

patthar ke log haiñ jahāñ shīshe ke bām-o-dar

ham us zamīñ meñ dard-e-vafā bo nahīñ sake

siine meñ ek daaġh lagā aur umr-bhar

dhote rahe vo daaġh magar dho nahīñ sake

ādāb-e-parda-dārī-e-zabt-e-fuġhāñ na pūchh

tūfān dil meñ uThte rahe ro nahīñ sake

rañgīniyoñ ke ahd meñ ḳhushiyoñ ke daur meñ

chāhā ġhamoñ ko khonā magar kho nahīñ sake

tasḳhīr-e-māhtāb mukammal to ho ga.ī

dāman meñ us ke ek bhī pal so nahīñ sake

ayyārī-e-siyāsat-e-ahbāb dekhiye

chāhā kisī ke ho ke raheñ ho nahīñ sake

sach hai gham-e-firaq mein hum ro nahin sake

wo bhi tamam raat magar so nahin sake

be-faeda hai chahna asnam se wafa

ye sang-dil kisi ke kabhi ho nahin sake

patthar ke log hain jahan shishe ke baam-o-dar

hum us zamin mein dard-e-wafa bo nahin sake

sine mein ek dagh laga aur umr-bhar

dhote rahe wo dagh magar dho nahin sake

aadab-e-parda-dari-e-zabt-e-fughan na puchh

tufan dil mein uThte rahe ro nahin sake

ranginiyon ke ahd mein KHushiyon ke daur mein

chaha ghamon ko khona magar kho nahin sake

tasKHir-e-mahtab mukammal to ho gai

daman mein us ke ek bhi pal so nahin sake

ayyari-e-siyasat-e-ahbab dekhiye

chaha kisi ke ho ke rahen ho nahin sake